Qophii keenya har'aa kutaa 13ffaan kan xiyyeeffatu Leenjii Hojii irraa Yeroo Gabaabaa Abbootii Seeraa fi Abbootii Alangaatiif mata duree #Tumaalee_Yakka_Falmisiisoofi_Murteessa_Adabbii jedhu Magaalaa #Shaashamanneetti kenname irratti yoo ta'u, leenjicha irraa bu'aan eegamu murtee wal fakkaa kennuu fi hubannoo argatan irraa ka'uun ijjannoo walfakkaataa fi walitti siqaa argachuun ogeessota seeraa hawaasni bal'aan haqa walfakkaataa iddoo hundatti akka argatan taasisuudha. Inistiitiyuutiin Leenjii fi Qorannoo Seeraa Oromiyaa(ILQSO)n bara hundeeffama isaa irraa eegalee dandeettii raawwachiisummaa ogeessota seeraa cimsuuf leenjiwwan hojiin duraa, leenjiwwan hojii irraa yeroo dheeraa, Qorannoowwanii fi Qo'annoo seeraa gaggeessuun cinatti leenjiwwan gaggabaaboo hojii irraa kennuun ogeessota seeraa walitti fiduun muuxannoo wal jijjiiruun mata dureewwan leenjiwwan fudhatanii irratti ijjannoo fi hubannoo walfakkataa qabatanii garaagarummaa fi rakkoolee sirna haqaa keessatti muudatan dhiphisaa deemuun hawaasni fayyadamaa sirna haqaa walfakkaataa akka tahu gochuudha.